चिपळूण (रत्नागिरी) : तालुक्यातील पिंपळी येथील कॅनाल मध्ये पिंपळी बुद्रुक बौद्धवाडीतील तीन युवक बुडाले त्यातील दोघांना वाचविण्यात यश आले.मात्र एकजण बुडाला आहे. त्याचा शोध सुरू आहे याबाबत  पिपळी सरपंच तंबीटकर यांनी अलोरे शिरगाव पोलीस ठाण्यात माहिती दिली.

पिंपळीच्या कॅनालमध्ये तिघेजण बुडाले 

पिंपळी बुद्रुक येथील 10 ते 12 मुले शुक्रवारी दुपारी 4 .30 दरम्यान कनॉल मध्ये पोहोयला गेली होती जवळपास 20 ते 22 वयाचे हे तरुण पोहण्याचा मस्त आनंद लुटत होते काही जण पोहून कनॉल बाहेर पडले इतक्यात पाण्याचा एक मोठा प्रवाह आला आणि प्रविण प्रकाश सावंत,पारस अनिल सावंत व दीपक तुलसीराम मोहिते हे तिघेजण बुडू लागले आणि एकच आरडा ओरडा सुरू झाला स्वतःचा जीव वाचविण्यासाठी ते पाण्यात हात पाय हलवू लागले.

हेही वाचा - त्या दहा व्यक्तींचे अहवाल निगेटिव्ह, सिंधुदुर्गला दिलासा

दोघांना वाचविण्यात यश एकजण बुडाला

 पारस सावंत यांनी झाडाची वेल पकडली तर दीपक मोहिते यांनी कनॉलचा कडफा पकडला आणि बाकीच्या मुलांनी त्यांना हात देऊन पाण्याचा बाहेत काढले त्यामुळे दोघांना वाचविण्यात यश आले. मात्र पाण्याचा मोठ्या प्रवाहात प्रवीण सावंत हा वाहत गेला आणि बुडाला त्यामुळे त्याला वाचविण्यात यश आले नसले तरी त्याचा शोध अद्याप सुरू आहे.