ओरोस (सिंधुदुर्ग) : दोडामार्ग तालुक्याने शनिवारी खाते खोलले असून तालुक्यातील कुंब्रल येथे एक रुग्ण मिळाला आहे. शनिवारी दुपारी अजुन तीन रुग्ण बाधित निघाले असून जिल्ह्याची रुग्ण संख्या ११६ झाली आहे.

 नव्याने मिळालेल्या रुग्णांत दोडामार्ग, सावंतवाडी आणि देवगड तालुक्यातील प्रत्येकी एका रुग्णाचा समावेश आहे. सावंतवाडी तालुक्यात कारिवडे आणि देवगड तालुक्यात किंजवडे येथील प्रत्येकी एका रुग्णाचा समावेश आहे.

हेही वाचा- कोल्हापुरात शिवराज्याभिषेक सोहळा साधेपणाने, गुढ्या, भगवे ध्वज उभारले... -

 सिंधुदुर्गात मिळालेल्या ११६ रुग्णांतील १७ रुग्ण कोरोनामुक्त होवून घरी परतले आहेत. दोघांचे दुर्दैवी निधन झाले आहे. एक रुग्ण मुंबई येथे उपचारासाठी गेला आहे. त्यामुळे ९६ रुग्ण सध्या उपचार घेत आहेत.