शिवसेना महिला संघटकपदी
मृणाल परब, निर्मला पालकर
कुडाळ, ता. १४ ः कुडाळ शिवसेना (उद्धव बाळासाहेब ठाकरे) महिला पदाधिकाऱ्यांची आढावा बैठक कुडाळ येथे काल (ता. १३) झाली. यावेळी आमदार वैभव नाईक यांनी महिलांना मार्गदर्शन केले. यावेळी पावशी विभागाच्या महिला विभाग संघटकपदी मृणाल परब, तर पिंगुळी विभागाच्या महिला विभाग संघटकपदी निर्मला पालकर यांची नेमणूक करण्यात आली. आमदार नाईक यांच्या हस्ते त्यांना नियुक्ती पत्रे देऊन त्यांचे अभिनंदन करण्यात आले. शिवसेना जिल्हाप्रमुख संजय पडते, महिला जिल्हाप्रमुख जान्हवी सावंत यांच्या प्रमुख उपस्थितीत ही बैठक झाली. यावेळी शिवसेना उपजिल्हाप्रमुख अमरसेन सावंत, कुडाळ तालुकाप्रमुख राजन नाईक, तालुका संघटक बबन बोभाटे, कुडाळ तालुका महिला संघटक मथुरा राऊळ, तालुका संघटक स्नेहा दळवी, माजी उपसभापती श्रेया परब, नगरसेविका श्रेया गवंडे, ज्योती जळवी, श्रुती वर्दम, विभागप्रमुख कन्याश्री मेस्त्री, दर्शना म्हसकर, माणगाव सरपंच मनीषा भोसले, पुळास सरपंच विनया निकम, नेरुर सरपंच भक्ती घाडीगावकर, पावशी सरपंच वैशाली पावसकर, तेंडोली सरपंच अनघा तेंडोलकर, पोखरण-कुसबे सरपंच समीक्षा जाधव, श्रावणी सावंत, रश्मी वेंगुर्लेकर, सायली सर्वेकर, रोशनी नाईक आदी उपस्थित होते.