swt928.jpg
81654
सावंतवाडीः येथील पोलिस ठाण्यात जप्त करून ठेवण्यात आलेले डंपर.

वाळू वाहतूक प्रकरणी
सावंतवाडीत दोघांवर गुन्हा
सकाळ वृत्तसेवा
सावंतवाडी, ता. ९ः बेकायदेशीर वाळू वाहतूक केल्याप्रकरणी सावंतवाडी पोलिसांनी दोन डंपरवर कारवाई करत दोघांवर येथील पोलिस ठाण्यात गुन्हा दाखल केला. दीपक कुमार सिंग (वय ३०, रा. देवली मालवण) व संदीप नारायण चिंदरकर (वय ३५, रा. कसाल कुडाळ) अशी डंपर चालकांची नावे आहेत. ही कारवाई पोलिस उपनिरीक्षक गणेश कराडकर यांनी आज पहाटे तीन वाजता मळगाव ब्रीज येथे केली.
दोन्ही चालक आपल्या ताब्यातील डंपरमधून वाळू वाहतूक करत होते. मळगाव ब्रीज येथे पोलिस पेट्रोलिंग करत असताना पोलिस उपनिरीक्षक कराडकर यांनी हे डंपर थांबविले. यावेळी त्यांच्याकडे वाळूचे पास आढळून आले नाहीत. याबाबत दोन्ही चालकांवर शासनाचा महसूल बुडवून विनापास वाळू वाहतूक करत असल्याचा ठपका ठेवून कारवाई केली. दोन्ही डंपर येथील पोलिसांत हजर केले.