rat१४२४.txt

(टुडे पान २ साठी)

फोटो ओळी
-rat१४p१५.jpg ः
८२६६१
रत्नागिरी ः राज्य स्पर्धेत तृतीय क्रमांक पटकावणारा फाटक प्रशालेचा संघ.
---
व्हॉलिबॉल स्पर्धेत फाटक शाळेचा संघ तृतीय

प्रथमच चमकदार कामगिरी ः पुणे विभागाला नमवले

रत्नागिरी, ता. १४ ः हिंगोली येथे झालेल्या १७ वर्षाखालील राज्यस्तरीय व्हॉलिबॉल स्पर्धेमध्ये फाटक शाळेने कोल्हापूर विभागाचे प्रतिनिधित्व करत तृतीय क्रमांकाची कामगिरी केली. असे यश मिळवणारा जिल्ह्यातीलचं नव्हे तर कोकणातील पहिलाच संघ ठरला आहे.
हिंगोली येथे झालेल्या राज्यस्तरीय व्हॉलिबॉल स्पर्धेमध्ये फाटक शाळेच्या संघाने कोल्हापूर विभागाचे प्रतिनिधित्व केले. मुलांच्या ब गटामध्ये नाशिक, लातूर, अमरावती आणि कोल्हापूर या चार विभागांचा सहभाग होता तर अ गटामध्ये मुंबई, पुणे, औरंगाबाद व नागपूर असे संघ होते ब गटामध्ये कोल्हापूर विभागाचे प्रतिनिधित्व करणाऱ्या फाटक प्रशालेचा पहिला सामना नाशिक विभागाबरोबर झाला. नाशिक विभागाला सलग दोन सेटमध्ये २२-२५, ०४-२५ पराभूत करून सेमी फायनलमध्ये प्रवेश केला. सेमी फायनलमध्ये फाटकची लढत लातूर संघाबरोबर झाली. त्यामध्ये लातूर संघाने २२ - २५, ११-२५ असे पराभूत केले. ब गटातून कोल्हापूर आणि अ गटातून पुणे असे दोन संघ तृतीय क्रमांकाच्या सामन्यासाठी एकत्र आले. या सामन्यामध्ये सलग दोन सेटमध्ये १९-२५, २०-२५ पुणे विभागाचा पराभव करत फाटक शाळेचा संघ राज्यस्तरीय स्पर्धेमध्ये तृतीय क्रमांकांचा मानकरी ठरला. राज्यस्तरीय स्पर्धेमध्ये सहभाग घेऊन तृतीय क्रमांक पटकवण्याची कामगिरी रत्नागिरीच्या फाटक प्रशालेने प्रथमच केली. भरपूर सरावातून हे यश मिळवता आले, असे क्रीडा मार्गदर्शक मंदार सावंत यांनी सांगितले.
--