जिल्ह्यात १ लाख ग्राहकांचे
२४ कोटी ५० लाख थकित
प्रतिमा बदलतेयः वीज खंडित करण्याचा इशारा
रत्नागिरी, ता. २२ ः वीजबिल वेळेत भरणाऱ्या जिल्ह्यात अग्रभागी असलेल्या रत्नागिरी जिल्ह्यात दिवसेंदिस वीज थकबाकी वाढत आहे. सध्या जिल्ह्यातील १ लाख ६ हजार ग्राहकांकडे २४ कोटी ५० लाखांची थकबाकी आहे. थकबाकीदार ग्राहकांचा वीजपुरवठा खंडित करण्याचा इशारा महावितरणने दिला आहे.
जिल्ह्यात घरगुती ८६ हजार ग्राहक ६ कोटी ४४ लक्ष थकित, वाणिज्य ८ हजार ८६३ ग्राहक २ कोटी ४३ लक्ष, औद्योगिक ८०४ ग्राहकांचे ७६ लक्ष थकित, कृषी ५ हजार ६७ ग्राहकांचे ९७ लक्ष थकित, कृषी इतर १२८५ ग्राहकांचे ६३ लक्ष थकित, पथदिवे १ हजार ५६१ ग्राहकांचे १० कोटी ३३ लक्ष थकित, पाणीपुरवठा ९४२ ग्राहकांचे १ कोटी ८१ लक्ष थकित, सार्वजनिक सेवा २२९३ ग्राहकांचे १ कोटी ११ लक्ष वीजबिल थकित आहे. रत्नागिरी जिल्ह्यात एकूण १ लाख ६ हजार ८३६ ग्राहकांचे २४ कोटी ५० लक्ष वीजबिल थकबाकी आहे. रत्नागिरीपाठोपाठ सिंधुदुर्ग जिल्ह्यात घरगुती ५७ हजार १६१ ग्राहकांचे ३ कोटी ९७ लक्ष थकित, वाणिज्य ५ हजार ५ ग्राहकांचे १ कोटी २५ लक्ष, औद्योगिक ५७८ ग्राहकांचे ६२ लक्ष थकित, कृषी ११ हजार ८०४ ग्राहकांचे २ कोटी ४९ लक्ष थकित, कृषी इतर २५३ ग्राहकांचे १० लक्ष थकित, पथदिवे २ हजार ४२३ ग्राहकांचे १७ कोटी १४ लक्ष थकित, पाणीपुरवठा १ हजार ७० ग्राहकांचे २ कोटी ७४ लक्ष थकित, सार्वजनिक सेवा १ हजार ९२९ ग्राहकांचे ७४ लक्ष वीजबिल थकित आहे. सिंधुदुर्ग जिल्ह्यात एकूण ८० हजार २२३ ग्राहकांचे २९ कोटी ५ लक्ष वीजबिल थकबाकी आहे. वीजबिल थकवणाऱ्या ग्राहकांची जोडणी तोडण्याचा इशारा महावितरणने दिला आहे तर काही ठिकाणी प्रत्यक्षात कारवाईला सुरवात करण्यात आली आहे.