87517
बांदा ः डॉ. जगदीश पाटील यांना निवेदन देताना रियाज खान, संतोष तारी व अन्य. (छायाचित्र ः नीलेश मोरजकर)
बांद्यातील केएफडी कक्ष
इतर सुविधांसाठी वापरावा
शिवसेनेची मागणी; प्रशासनास निवेदन
बांदा, ता. ७ ः येथील प्राथमिक आरोग्य केंद्रात माकडताप रुग्णांसाठी बांधण्यात आलेला केएफडी कक्ष विनावापर पडून असल्याने या कक्षाचा वापर इतर वैद्यकीय सुविधा देण्यासाठी करावा, अशा आशयाचे निवेदन शिवसेनेचे अल्पसंख्यांक उपाध्यक्ष रियाज खान यांनी वैद्यकीय अधिकारी डॉ. जगदीश पाटील यांना दिले. यासंदर्भात वरिष्ठांशी चर्चा करून तातडीने निर्णय घेण्याचे आश्वासन डॉ. पाटील यांनी दिले.
निवेदनात म्हटले आहे की, काही वर्षांपूर्वी बांद्यात माकडतापाची साथ आली होती. यामध्ये कित्येकांना जीव गमवावा लागला. त्यावेळी या रुग्णांवर उपचार करण्यासाठी स्वतंत्र केएफडी कक्ष उभारण्याचा निर्णय आरोग्य विभागाने घेतला. गेल्या वर्षभरात बांदा शहर किंवा परिसरात माकडतापाचा एकही रुग्ण न सापडल्याने हा कक्ष विनावापर पडून आहे. बांदा आरोग्य केंद्रात उपचारासाठी येणाऱ्या रुग्णांची संख्या सर्वाधिक असल्याने या कक्षाचा इतर वैद्यकीय सुविधा देण्यासाठी वापर करावा, अशी मागणी केली आहे. यावेळी राजा खान, मोहसीन खान, संतोष तारी, व्यंकटेश उरुमकर, रिझवान खान, सदा राणे आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.