घराडी येथील बागेतून
६०० किलो काजूबिया चोरीस
मंडणगड ः तालुक्यातील घराडी येथील काजूच्या बागेतून झाडावरील व झाडाखाली पडलेल्या ६०० किलो काजूबियांची चोरी झाली. मंडणगड पोलिस ठाण्यात याबाबत गुन्हा दाखल केला आहे. ही घटना १६ ते १७ मार्च या कालावधीत घडली. पोलिसांकडून मिळालेल्या माहितीनुसार प्रभाकर विनायक जोशी (वय ८९, रा. घराडी, ता. मंडणगड) यांची काजू, आंबा अशा अनेक विविध फळझाडे असणारी मोठी बाग घराडी येथे आहे. या बागेत काजूची लागवड असून त्यावर मोठ्या संख्येने काजू बिया लगडल्या होत्या. दोन दिवसांच्या कालावधीत चोरट्याने ८५ हजार २०० रुपयांच्या ६०० किलो वजनाच्या काजूच्या बिया चोरून नेल्या. प्रभाकर जोशी यांच्या हा प्रकार निदर्शनास आल्यानंतर त्यांनी मंडणगड पोलिस ठाण्यात तक्रार दिली. पोलिसांनी घटनास्थळी भेट देऊन पंचनामा करून करून गुन्हा दाखल केला आहे. अधिक तपास मंडणगड पोलिस अमंलदार करत आहेत.