92300
कुडाळ ः श्री देव कुडाळेश्वर महाराजांची शेषारुढ भगवान शंकर रुपात मांडलेली पुजा.

कुडाळेश्वर मंदिरात
भक्तिमय वातावरण
कुडाळ, ता. २९ ः श्री देव कुडाळेश्वर मंदिर येथे उद्या (ता.३०) रामनवमीनिमित्त रामजन्म सोहळा होणार असून रामनवमी महोत्सवाच्या आज विविध धार्मिक व सांस्कृतिक कार्यक्रम उत्साहात व भक्तिमय वातावरणात झाले. यावेळी सोमवारी (ता.२७) श्री देव कुडाळेश्वर महाराजांची नंदीवर आरुढ महादेव रूपातील तर मंगळवारी (ता.२८) गरुड वाहनावर विष्णू व आज शेषारुढ भगवान शंकर या अवतारात विलोभनीय पुजा साकारण्यात आली होती. प्रतिवर्षाप्रमाणे या ही वर्षी श्री देव कुडाळेश्वर मंदिर, कुडाळ येथे श्रीरामनवमी महोत्सव २२ मार्च ते १ एप्रिल या ११ दिवसांच्या कालावधीत विविध धार्मिक, सांस्कृतिक कार्यक्रमांनी साजरा करण्यात येत आहे.