कणकवलीतून मोबाईल चोरीस
कणकवली ः शहरातील एका हॉटेलसमोर दुचाकीवर ठेवलेला मोबाईल चोरीस गेला. ही चोरी शुक्रवारी (ता. ७) रात्री अकराच्या सुमारास झाली. याबाबत सागर शरद वरवडेकर (वय ३६, रा. बोर्डवे, ता. कणकवली) यांनी येथील पोलिसात फिर्याद दिली. यात म्हटले आहे की, शहरातील एका हॉटेलमध्ये जेवायला गेलो असता. आपल्या मित्रांसोबत गप्पा मारत होतो. यावेळी चुकून दुचाकीवर मोबाईल राहिला होता. हॉटेलबाहेर ओळखीचा एक जण दिसल्याने त्याच्याशी बोलत असताना दुचाकीवर हा मोबाईल होता. तेवढ्यात कुणी मोबाईल लांबविला. याबाबत अनोळखी संशयितावर गुन्हा दाखल केला आहे. पोलिस अधिक तपास करीत आहेत.