स्वाभिमान रिक्षा चालक- मालक
संघटनेच्या रिक्षा थांब्याचे उद्घाटन
रत्नागिरी, ता. १० : महाराष्ट्र राज्याचे माजी मुख्यमंत्री तथा केंद्रीय मंत्री नारायण राणे यांच्या वाढदिवसाचे औचित्य साधून जयस्तंभ येथे रिक्षा थांब्याचे अनावरण करण्यात आले. भाजपा प्रणित स्वाभिमान रिक्षा चालक- मालक संघटना संलग्न महाराष्ट्र समर्थ कामगार संघटना रत्नागिरी जिल्हाध्यक्ष अशोक वाडेकर व रिक्षा संघटनेच्या वतीने कार्यक्रमाचे आयोजन करण्यात आले.
रत्नागिरी भाजपा महिला मोर्चा ओबीसी सेलच्या रत्नागिरी जिल्हाध्यक्षा प्राजक्ता रुमडे आणि ज्येष्ठ रिक्षा व्यवसायिक शरद पालकर यांनी श्रीफळ वाढवून आणि भाजपा जिल्हा कार्यकारिणी पदाधिकारी विजय सालीम यांनी फित कापून स्टॉपचे उदघाटन केले.
त्यानंतर शहरातील ठिकठिकाणी रिक्षा व्यवसायिकांना लाडूचे वाटप करण्यात आले. या वेळी प्राजक्ता रुमडे, विजय सालीम, कामगार संघटनेचे रत्नागिरी जिल्हाध्यक्ष लिलाधर भडकमकर, भाजपा प्रणित स्वाभिमान रिक्षा चालक-मालक संघटनेचे रत्नागिरी जिल्हाध्यक्ष अशोक वाडेकर, शैलेश बेर्डे, दादा ढेकणे, जयसिंग राऊत, प्रवीण रुमडे, दीनदयाळ सुखठणकर, सागर शिवगण, राजेश झगडे, सुभाष पवार, अनिल पावसकर, रिक्षा संघटनेचे रत्नागिरी जिल्हा उपाध्यक्ष सुहास लिंगायत, राजेश भाटकर, सदा सुर्वे, शरद पालकर, अमर पाटील, सुहास लिंगायत, महेंद्र शिंदे, नवनाथ कुड, रिजवान नेवरेकर, अवधूत आमकर, तेजस पावसकर, स्वरूप राऊत, समीर पवार आदी उपस्थित होते.