रत्नागिरी टेस्ट ट्यूब बेबी सेंटरमध्ये
रविवारी मोफत तपासणी शिबिर

रत्नागिरी, ता. १४ ः कोकणातील रत्नागिरी टेस्ट ट्यूब बेबी अ‍ॅन्ड रिसर्च सेंटरच्या वंध्यत्वावरील मोफत तपासणी शिबिर या वेळी रविवारी (ता. १६) एप्रिलला होणार आहे. या वेळी प्रसिद्ध स्त्रीरोगतज्ज्ञ डॉ. तोरल शिंदे रुग्णांची तपासणी करणार आहेत.
हे शिबिर सकाळी १० ते १२ या वेळेत शिवाजीनगर येथील धन्वंतरी रुग्णालयात होणार आहे. या रुग्णालयात २०१४ मध्ये सुरू झालेल्या कोकणातील पहिल्या अत्याधुनिक रत्नागिरी टेस्ट ट्यूब बेबी अ‍ॅन्ड रिसर्च सेंटरमध्ये डॉ. शिंदे दर महिन्याला मोफत तपासणी शिबिर घेतात. या शिबिरांमध्ये माता-पिता होण्यासाठी इच्छुक जोडप्यांना टेस्ट ट्यूब बेबी उपचाराची आवश्यकता असल्यास रत्नागिरी टेस्ट ट्यूब बेबी सेंटरमध्ये उपलब्ध पर्यायांची माहिती दिली जाते. त्याशिवाय पीसीओडी संदर्भातील समस्या, गर्भनलिका तपासणे, गर्भाशयाच्या गाठी व गर्भाशय काढणे, वारंवार आययूआय, टेस्ट ट्यूब बेबी यशस्वी न होणे, पाळीच्या तक्रारी, स्त्रियांचे वजन आणि त्यामुळे येणाऱ्या समस्या, लैंगिक समस्यांवर मोफत मार्गदर्शन केले जाते. या शिबिराचा निपुत्रिक जोडप्यांनी लाभ घ्यावा, असे आवाहन धन्वंतरी रुग्णालयातर्फे करण्यात आले आहे. अधिक माहितीसाठी रुग्णालयाशी संपर्क साधावा.