97747
केळुस : ‘ऑलिव्ह रिडले’च्या पिल्लांना समुद्रात सोडताना सरपंच योगेश शेटये. शेजारी हेमंत शेलटकर आदी.

‘ऑलिव्ह रिडले’च्या पिलांना
कालवीबंदर येथे जीवदान
वेंगुर्ले, ता. २२ ः केळूस कालवीबंदर येथील हेमंत शेलटकर यांनी संवर्धित केलेल्या ऑलिव्ह रिडले जातीच्या कासवांच्या ५३ पिल्लांना सरपंच योगेश शेटये यांच्या उपस्थ‍ितीमध्ये गुरुवारी (ता. २०) समुद्रात सोडण्यात आले.
शेलटकर यांच्या माध्यमातून कालवीबंदर किनाऱ्यावर ऑलिव्ह रिडले कासवांचे संवर्धन होत आहे. यावर्षी प्रथमच ३१ जानेवारीपासून त्यांनी कासवाच्या अंड्यांचे संवर्धन सुरू केले. आतापर्यंत कालवीबंदर येथे एकूण २४ घरट्यांतून २७३८ अंडी संवर्ध‍ित करण्यात आली आहेत. या संवर्ध‍ित अंड्यांतून आतापर्यंत १४५९ कासवाची पिल्ले समुद्रात सोडण्यात आली आहेत. मठ वनरक्षक सूर्यकांत सावंत यांच्या मार्गदर्शनाखाली शेलटकर यांनी घेतलेल्या या मेहनतीबद्दल सरपंच शेटये यांनी कौतुक केले. यावेळी केळूस मच्छीमार सोसायटी चेअरमन गोविंद उर्फ दादू केळूसकर, ग्रामपंचायत सदस्य महेश नागवेकर, ग्रामपंचायत सदस्य लक्ष्मण उर्फ आबा वराडकर, ग्रामपंचायत सदस्या मानसी कुडव, ग्रामपंचायत सदस्य रुचिरा प्रभूकेळूसकर, केळूस खारभूमी सोसायटीचे व्हाईस चेअरमन रवींद्र प्रभूकेळूसकर, पुणे येथील पर्यावरणप्रेमी पर्यटक अतुल घाग, ग्रामस्थ दीपक राऊळ, अशोक कुबल आदी उपस्थ‍ित होते.