ओरोस न्याय भवनात
आज करिअर मार्गदर्शन
कुडाळ, ता. २२ ः पंचशील ट्रस्ट ओरोस आदर्शनगर व रुक्मिणी फटू मठकर चॅरीटेबल ट्रस्ट सिद्धार्थनगर मठ-वेंगुर्ले यांच्या संयुक्त विद्यमाने उद्या (ता. २३) डॉ. बाबासाहेब आंबेडकर सामाजिक न्याय भवन सिंधुदुर्ग-ओरोस येथे मोफत करिअर मार्गदर्शन शिबिराचे आयोजन केले आहे.
भारतरत्न डॉ. बाबासाहेब आंबेडकर यांची १३२ वी जयंती साजरी करण्यात येणार असून, त्यानिमित्त सिंधुदुर्ग जिल्ह्यातील सर्वधर्मीय व सर्व जातीय आठवी ते पदवीधर तसेच पदव्युत्तर युवक-युवतींना भविष्यातील पुढील वाटचालीसाठी हे शिबिर आयोजित केले आहे. हा कार्यक्रम डॉ. बाबासाहेब आंबेडकर सामाजिक न्याय भवन ओरोस येथे होणार आहे. जयंतीचा कार्यक्रम सकाळी साडेदहा ते दुपारी एक पर्यंत होणार आहे. मार्गदर्शन शिबिर दुपारी २ ते ५ दरम्यान होणार आहे. सर्व युवक-युवतींनी या शिबिराचा लाभ घ्यावा. अधिक माहितीसाठी संजय ब. खोटलेकर (अध्यक्ष पंचशिलट्रस्ट) व एन. पी. मठकर अध्यक्ष (रुक्मिणी फटू मठकर चॅरीटेबल ट्रस्ट) यांच्याशी संपर्क साधून नावनोंदणी करावी, असे आवाहन आयोजकांनी केले आहे.