97809
खवणे ः भक्तनिवास भूमिपूजन प्रसंगी प. पू. रमेश महाराज, प.पू. घडशी महाराज.

खवणे भक्तनिवास इमारतीचे काम
कुडाळ ः अक्षय्य तृतीयेच्या मुहूर्तावर आज प. पू. सद्गुरू नामदेव महाराज मठ, खवणे (ता. वेंगुर्ले) येथे प. पू. रमेश महाराज यांच्या हस्ते व प. पू. घडशी महाराजांच्या उपस्थितीत भक्तनिवासाचे भूमिपूजन पार पडले. यावेळी बाबाजी परब, रघुनाथ जुवाटकर, विलास राऊळ, बाळा मसूरकर, ज्ञानदेव गोसावी, दिलीप परब, अरुण राणे, सूरज बांबुळकर आदी भक्तमंडळी उपस्थित होती.
..................
कोळंबमध्ये धार्मिक, सांस्कृतिक कार्यक्रम
मालवण : कोळंब-लाडवाडी येथील श्री महादेवी, आकार सेवा मंडळाचा रौप्य महोत्सवी वर्ष सोहळा १० व ११ मे रोजी साजरा होणार आहे. यानिमित्त विविध धार्मिक, सांस्कृतिक कार्यक्रमांचे आयोजन करण्यात आले आहे. १० मे रोजी सकाळी नऊ ते एक दरम्यान रक्तदान व आरोग्य शिबिर, सायंकाळी सात ते नऊ दरम्यान अष्टपैलू कलानिकेत (मालवण) यांची भक्तिसंध्या, रात्री साडेनऊला रेकॉर्ड डान्स स्पर्धा होणार आहे. यात १५ वर्षांवरील तसेच प्रथम नोंदणी करणाऱ्या २० स्पर्धकांना प्रवेश देण्यात येणार असून प्रथम तीन विजेत्यांना अनुक्रमे ५०००, ३०००, २००० रुपये आणि चषक अशी बक्षिसे आहेत. स्पर्धकांनी ७ मेपर्यंत नोंदणी करावी. १९ ला सकाळी नऊ ते दहाच्या दरम्यान दुग्धाभिषेक, दहा ते साडेबारा श्रींची महापूजा व महाआरती, दुपारी एकला महाप्रसाद, तीनपासून देवीची ओटी भरणे व हळदीकुंकू समारंभ, सायंकाळी सातला भजन सम्राट भालचंद्र केळूसकर यांचे भजन, रात्री नऊला सांस्कृतिक कार्यक्रम, दहाला कलांकुर ग्रुप मालवण यांचा ‘मराठमोळा नजराणा’ कार्यक्रम होणार आहे.