अत्याचार प्रकरणातील संशयितास जामीन
ओरोस ः अल्पवयीन मुलीवर लैंगिक अत्याचार करून तिचे अश्लील व्हिडिओ काढल्या प्रकरणी अटकेत असलेला संशयित सिद्धेश भाटकर याची सिंधुदुर्गनगरी येथील विशेष न्यायाधीशांनी ३० हजारांच्या सशर्त जामिनावर मुक्तता केली. संशयित भाटकर याच्यावतीने अॅड. यतिश खानोलकर, अॅड. स्वरुप पई यांनी काम पाहिले. ऑक्टोबर २०२१ मध्ये ही घटना घडली होती. अल्पवयीन मुलीवर अत्याचार करीत तिचे अश्लील व्हिडिओ काढल्याचा आरोप भाटकरवर होता. तशी तक्रार पीडितेने ६ डिसेंबर २०२२ मध्ये पोलिस ठाण्यात दिली होती. याप्रकरणी पोलिसांनी गुन्हा दाखल करीत ७ डिसेंबर २०२२ मध्ये भाटकरला अटक केली होती. सध्या भाटकर न्यायालयीन कोठडीत होता. जामीन मिळावा, अशी मागणी त्याने जिल्हा न्यायालयात केली होती. त्यावर सुनावणी होत न्यायालयाने ३० हजारांचा सशर्त जामीन मंजूर केला.