फोटो ओळी
-rat१p१८.jpg- KOP२३M०६३२० लांजा ः जिल्हा मानांकन कॅरम स्पर्धेतील विजेते खेळाडू.
-----------

पुरुषांत राहुल भस्मे, कुमार गटात ओम मोरे विजयी

जिल्हा कॅरम स्पर्धा ; कुमारी गटात आकांक्षा कदमचे वर्चस्व

लांजा, ता. १ ः येथे झालेल्या जिल्हा मानांकन कॅरम स्पर्धेत पुरुष एकेरीमध्ये राहुल भस्मे तर कुमार गट एकेरीत ओम मोरे आणि कुमारी गटात आकांक्षा कदमने वर्चस्व राखले.
तालुक्यातील भांबेड श्री समर्थ कृपा, स्पोर्टस क्लब आयोजित जिल्हा कॅरम असोसिएशनच्या मान्यतेने जिल्हा मानांकन कॅरम स्पर्धा कुणबी सेवा संघ हॉलमध्ये झाली. या स्पर्धेच्या उद्घाटनाला सौ. शमा तोडगे, अध्यक्ष प्रदिप भाटकर, विकास इंदुलकर, प्रमुख पंच साईप्रकाश कानिटकर, मनोज जाधव, स्पर्धा प्रमुख मोहन हजारे, मिलींद साप्ते, विवेक देसाई. राहुल बर्वे आणि खेळाडु उपस्थित होते. या स्पर्धेत पुरुष दुहेरीमध्ये अंतिम फेरीत अभिजित खेडेकर-दीपक वाटेकर या जोडीने संजय कोंडविलकर-योगेश कोंडविलकर यांच २५-०५,०८-२२,२५-०१ असा पराभव करत विजेतेपद पटकावले.
पुरुष एकेरीमध्ये अंतिम फेरीत राहुल भस्मेने योगेश कोंडविलकर ०१-१३, २५-१३,२२-१४ असा पराभव केला. तत्पूर्वी झालेल्या उपांत्य फेरीत राहुल भस्मेने अभिजित खेडेकरचा २५-१२,२५-०० तर योगेश कोंडविलकरने सुरज आडीवरेकरचा २५-०९,२५-०० यांचा पराभव करत अंतिम फेरीत प्रवेश केला. कुमार गट एकेरीत ओम मोरेने द्रोण हजारेचे ९-०८, ००-२३, २२-०५ असा पराभव करत विजेतेपद पटकावले. कुमारी गटात एकेरीमध्ये आकांक्षा कदमने निधी सप्रेच २५-००,२५-०० सरळ सेटमध्ये पराभव केला.