07627
विलवडे ः स्वच्छता मोहिमेत सहभागी झालेले कार्यकर्ते.

विलवडेतील जलस्रोताची
श्रमदानातून साफसफाई
बांदा, ता. ६ ः कोकण कला व शिक्षण विकास संस्थेतर्फे गड किल्ले साफसफाई, किनाऱ्यांची स्वच्छता, रस्ते साफसफाई मोहीम आणि गाळ स्वच्छता मोहीम आदी विविध उपक्रम राबविण्यात येतात. याचाच एक भाग म्हणून जागतिक पर्यावरण दिनाचे औचित्य साधून नेहरू युवा केंद्र सिंधुदुर्ग, कोकण कला व शिक्षण विकास संस्था आणि ग्रामपंचायत विलवडे यांच्या संयुक्त विद्यमाने विलवडे येथे जलस्त्रोताची साफसफाई करण्यात आली. यामध्ये प्लास्टिक बाटल्या, प्लास्टिक पिशव्या, काचेच्या बाटल्या, प्लास्टिकच्या टाकाऊ वस्तू, जुने कपडे आदी जल प्रदूषणास कारणीभूत ठरणारा कचरा उचलण्यात आला. यावेळी विलवडे सरपंच प्रकाश दळवी, हनुमंत गवस, समीर शिर्के, बाळकृष्ण शेळके आदींसह अनेक कार्यकर्ते उपस्थित होते. सरपंच दळवी यांनी कोकण संस्थेच्या उपक्रमाचे कौतुक केले.