पान ३ साठी

ट्रक अपघातप्रकरणी चालकावर गुन्हा
रत्नागिरी ः जयगड ते निवळी मार्गावर तरवळ येथे निष्काळजीपणे ट्रक चालवून अपघात करणाऱ्या चालकाविरुद्ध ग्रामीण पोलिस ठाण्यात गुन्हा दाखल करण्यात आला आहे. धिरेश रामदेव राय (वय ३८, रा. मुंबई) असे त्या संशयित चालकाचे नाव आहे. ही घटना रविवारी (ता. ४) सकाळी तरवळ येथील हॉटेल इंद्रधूनजवळील वळणावर घडली. पोलिसांकडून मिळालेल्या माहितीनुसार, ट्रकचालक धिरेश राय हे ट्रक (एमएच ०८ एफपी १९८८) घेऊन जयगड ते निवळी रस्त्यावरून लोटे असे जात होते. तरवळ येथे एका वळणार नियंत्रण न राहिल्याने अपघात झाला. यामध्ये त्यांच्या डोक्याला व हाताला गंभीर दुखापत झाली तसेच ट्रकचेही नुकसान झाले. या प्रकरणी ग्रामीण पोलिस ठाण्यात तक्रार देण्यात आली होती. या तक्रारीवरून पोलिसांनी संशयित चालकाविरुद्ध गुन्हा दाखल केला आहे. अधिक तपास ग्रामीण पोलिस अंमलदार करत आहेत.