12753
मालवण ः पार्थ मेस्त्रीने तुळशीच्या पानावर साकारलेला विठोबाची रांगोळी.

तुळशीच्या पानावर साकारली
विठोबाची आकर्षक रांगोळी
मालवण ः येथील भंडारी एज्युकेशन सोसायटी हायस्कूलमधील दहावीत शिकणाऱ्या पार्थ मेस्त्री याने आषाढी एकादशीच्या निमित्ताने ३ बाय १.५ सेंटीमीटर आकाराच्या तुळशीच्या पानावर श्री देव विठ्ठलाची सुंदर आकर्षक रांगोळी साकारली आहे. अवघ्या १८ मिनिटात साकारलेली ही रांगोळी सर्वांच्या पसंतीस उतरली आहे. पार्थ हा उत्तम चित्रकार व रांगोळीकार असून लहान वयातच त्याने आपल्या कलेची प्रतिभा दाखवली आहे. विविध स्पर्धामध्ये त्याने सुंदर अशा रांगोळ्या काढून पारितोषिकेही मिळविली आहेत. आषाढी एकादशीनिमित्त त्याने तुळशीच्या पानावर विठ्ठलाची रांगोळी साकारली आहे. रांगोळीद्वारे अत्यंत बारीक कलाकूसर यामध्ये पार्थ याने केली आहे. अवघ्या अठरा मिनिटात ही रांगोळी रेखाटली असून हा एक वेगळा प्रयत्न म्हणावा लागेल.