13908
सावंतवाडी ः विद्यार्थ्यांना बीएएमएस आयुर्वेद वैद्य तथा डॉक्टर पदवी प्रदान करताना पदाधिकारी.

आयुर्वेद महाविद्यालयात दीक्षांत समारंभ उत्साहात
सावंतवाडी, ता. ४ ः येथील भाईसाहेब सावंत आयुर्वेद महाविद्यालयात शिक्षण घेतलेल्या २०१७ मधील बॅचचा दीक्षांत समारंभ महाराष्ट्र राज्य आयुष मंत्रालयाचे संचालक रामन धुंगराळेकर यांच्या हस्ते पार पडला. यावेळी ४० जणांना महाराष्ट्र आरोग्य विज्ञान विद्यापीठाच्या बीएएमएस पदवी प्रमाणपत्राचे वितरण करण्यात आले.
या सोहळ्यासाठी महाराष्ट्र आरोग्य विज्ञान विद्यापीठ सदस्य पंकज विश्वकर्मा, राणी जानकीबाईसाहेब सुतिका गृह रुग्णालय संचलित भाईसाहेब सावंत आयुर्वेद महाविद्यालयाचे संस्थाध्यक्ष अॅड. दिलीप नार्वेकर, उपाध्यक्ष विकास सावंत, रमेश पै, डॉ. अभिजित चितारी, विश्वस्त मिलिंद खानोलकर, सचिव बाळासाहेब बोर्डेकर, प्रा. विकास कठाणे, उपप्राचार्य संजय दळवी, प्रवीणकुमार ठाकरे, डॉ. पांडुरंग वजराटकर, संचालक गुरू मठकर, रमेश बोंद्रे, अमोल सावंत, माजी प्राचार्य डॉ. दीपक तुपकर, आर. के. गोळघाटे, डॉ. राजेंद्र पाटील, डॉ. ललित विठलानी, डॉ. प्रवीण देवऋषी यांच्यासह संस्थेचे पदाधिकारी प्राध्यापक, वैद्य विद्यार्थी आणि पालक उपस्थित होते. ॲड. नार्वेकर, विकास सावंत यांनी मार्गदर्शन केले. यावेळी ४० विद्यार्थ्यांना बीएएमएस आयुर्वेद वैद्य तथा डॉक्टर ही पदवी प्रदान करण्यात आली. पदवी प्रमाणपत्र प्रदान केल्यानंतर टोप्या उडवण्याच्या कार्यक्रमाला रंगत आली.