मटका जुगारावर पोलिसांचा छापा
रत्नागिरी ः शहरात बंद टपरीच्या आडोशाला मटका जुगारावर पोलिसांनी कारवाई केली. या कारवाईत साहित्यासह ३३१ रुपयांचा मुद्देमाल जप्त केला. शहर पोलिस ठाण्यात संशयिताविरुद्ध गुन्हा दाखल केला आहे. साजन जयवंत मोरे (वय ३४, रा. कोळंबे-खालचा वठार, रत्नागिरी) असे संशयिताचे नाव आहे. ही घटना मंगळवारी (ता. ४) सायंकाळी साडेसातच्या सुमारास जुन्या एसटी स्टॅंडच्या वरील एका बंद टपरीच्या आडोशाला निदर्शनास आली. पोलिसांकडून मिळालेल्या माहितीनुसार, पोलिसांनी केलेल्या कारवाईत संशयिताकडे मटका जुगाराचे साहित्यासह ३३१ रुपये सापडले. या प्रकरणी पोलिसांनी शहर पोलिस ठाण्यात तक्रार दिली. तक्रारीवरून पोलिसांनी संशयिताविरुद्ध गुन्हा दाखल केला आहे.