14822
कुडाळ ः मनसेच्या वतीने ‘एक सही संतापाची’ आंदोलन करण्यात आले.

राजकारण्यांविरोधात मनसेतर्फे
कुडाळात ‘एक सही संतापाची’

अभिनव आंदोलनाला नागरिकांचा प्रतिसाद

कुडाळ,ता.८ ः एकदा मतदान झाले की पाच वर्षे मतदाराला गृहित धरून सुरू असलेले राजकारण, लोकप्रतिनिधींची संख्या वाढविण्याच्या नादात झालेला चिखल या विरोधात मनसे अध्यक्ष राज ठाकरे यांच्या आदेशावरून आणि सिंधुदुर्ग पक्ष निरीक्षक गजानन राणे आणि सरचिटणीस संदीप दळवी यांच्या सूचनेनुसार आज मनसेच्यावतीने कुडाळ बसस्थानक परिसरात ‘एक सही संतापाची’ हे अभिनव आंदोलन करण्यात आले.
यावेळी मोठ्या संख्येने नागरिकांनी आपल्या सह्या करत या आंदोलनाला पाठिंबा दर्शविला. यावेळी माजी जिल्हाध्यक्ष धीरज परब, एसटी सेना राज्य सरचिटणीस बनी नाडकर्णी, माजी मनविसे जिल्हाध्यक्ष कुणाल किनळेकर, सचिन सावंत, माजी जिल्हा सचिव बाळा पावसकर, हेमंत जाधव, जगन्नाथ गावडे, प्रथमेश धुरी, सागर सावंत, गजानन राऊळ, शुभम धुरी, वैभव परब, यतीन माजगावकर, हरिश गुंजाळ, विकास लाड, अजय जोशी, सर्वेश ठाकूर आदी पदाधिकारी, कार्यकर्ते उपस्थित होते.