14865
आरोस ः येथे बस चालक व वाहक यांचे गुलाबपुष्प देऊन स्वागत करताना विद्यार्थी.

बस सुरू होताच आनंदी आनंद

विद्यार्थ्यांना आधार; कनयाळ-शिरोडा-बांदा बसचे स्वागत

सकाळ वृत्तसेवा
बांदा, ता. ८ ः आरोस येथील विद्याविकास हायस्कूल येथे कनयाळ-शिरोडा-बांदा बस आज दुपारी शाळा सुटण्याच्या वेळेत म्हणजेच सायंकाळी सुमारे ४.४० वाजता दाखल होताच चिमुकल्या विद्यार्थिनींनी बसचे चालक व वाहक यांचे गुलाबपुष्प देत स्वागत केले. या बसमुळे शाळेतील विद्यार्थिनींची तीन ते चार किलोमीटरची पायपीट थांबणार आहे.
आरोस येथील विद्याविकास हायस्कूलमध्ये शिकणाऱ्या विद्यार्थिनींना सायंकाळी परतीच्या प्रवासावेळी एसटी बस वेळेत उपलब्ध नसल्याने दररोज कोंडुरा तिठा ते मळेवाड अशी तीन ते चार किलोमीटर करावी लागणाऱ्या पायपीटीच्या पार्श्वभूमीवर पत्रकार संरक्षण समितीच्या जिल्हा कार्यकारिणीने वेंगुर्ले आगाराचे प्रमुख विशाल शेवाळे यांचे निवेदनातून लक्ष वेधले होते. या निवेदनावर तत्काळ कार्यवाही करताना ही यासाठी पुढाकार घेत प्रयत्न करणाऱ्या पत्रकार संरक्षण समिती, सिंधुदुर्गचे खाजिनदार मदन मुरकर यांचे व पत्रकार संरक्षण समिती सिंधुदुर्गच्या सर्व पदाधिकाऱ्यांचे यावेळी आभार मानण्यात आले. यावेळी राज्य पत्रकार संरक्षण समितीचे जिल्हाध्यक्ष प्रसाद मडगावकर यांनी फोनवरून पत्रकार संरक्षण समिती, सिंधुदुर्गच्या वतीने राज्य परिवहन महामंडळाचे वेंगुर्ले आगार स्थानक प्रमुख विशाल शेवाळे यांच्या कार्यतत्परतेबद्दल त्यांचे व वेंगुर्ले एसटी आगार सर्व अधिकारी व कर्मचारी वर्गाचे आभार व्यक्त केले.