१४ (टुडे पान २ साठी)

-rat१८p११.jpg ः
23M16978
राजापूर ः शेतामध्ये शिक्षकांसमवेत भातलावणी करताना राजापूर हायस्कूलचे विद्यार्थी.
--------------

राजापूर हायस्कूलचे विद्यार्थी रमले शेतात

राजापूर, ता. १८ ः पुस्तकी ज्ञानासोबत मुलांना प्रत्यक्ष कामाची अनुभूती मिळावी आणि शेतीविषयी मुलांमध्ये आवड निर्माण होताना शेती क्षेत्राचे महत्व विद्यार्थ्यांना समजावे या उद्देशाने येथील राजापूर हायस्कूलच्या विद्यार्थ्यांनी शेतीच्या कामांसह भातलावणीची अनुभूती घेतली. या उपक्रमामध्ये विद्यार्थ्यांनी शेतकऱ्‍यांसोबत शेतामध्ये शेतीची कामे करताना शेतकऱ्याच्या श्रमाचे मुल्य अनुभवले.
प्रशालेचे विद्यार्थी हर्डी येथील शेतामध्ये सहभागी झाले. नांगरणीसह जमिनीची मशागत करणे, भातलावणी करणे आदी विविध प्रकारची मशागतींची कामे केली. या वेळी विद्यार्थ्यांसोबत शिक्षकांनीही शेतीच्या कामांचा अनुभव घेतला. यामध्ये संस्था समन्वयक मानसी हजेरी, उपमुख्याध्यापक अरूण पोवार, विज्ञान शिक्षक भरत जानकर, गिरीष भातडे, प्रवीण बाणे, सुजित पारकर, मदलसा करंगुटकर यांच्यासह मोठ्या संख्येने विद्यार्थी सहभागी झाले होते. या उपक्रमाचे राजापूर शिक्षण प्रसारक मंडळाचे कार्यवाह प्रकाश भावे, संस्थेच्या कार्यकारी मंडळाच्या अध्यक्षा डॉ. छाया जोशी, कार्यवाह जगदीश पवार, मुख्याध्यापक जगदीश भालशंकर आदींनी कौतुक केले.