18222
कणकवली ः नूतन तालुका युवा अध्यक्ष रुपेश चव्हाण यांचा सत्कार करताना नाभिक संघटनेचे पदाधिकारी. (छायाचित्र : एन. पावसकर)

कणकवली नाभिक संघटना
सभेत नवनियुक्तांचा सत्कार
तळेरे : कणकवली तालुका नाभिक संघटनेची सहविचार सभा तालुकाध्यक्ष रोशन चव्हाण यांच्या अध्यक्षतेखाली कणकवली येथे नुकतीच झाली. प्रारंभी संत सेना महाराजांच्या मूर्तीला पुष्पहार अर्पण करण्यात आला. त्यानंतर नाभिक व नाभिकेतर समाजातील दिवंगत बांधवांना श्रद्धांजली अर्पण करण्यात आली. यावेळी संघटनेच्या नूतन पदाधिकाऱ्यांचा सत्कार करण्यात आला. यावेळी जिल्हा कार्याध्यक्ष चंद्रशेखर चव्हाण, जिल्हा महिला खजिनदार शिवानी चव्हाण, कणकवली उपाध्यक्ष नीलेश चव्हाण, कार्याध्यक्ष संजय कुबल, कणकवली शहर अध्यक्ष अनिल शिंदे, तालुकाध्यक्षा तेजस्विनी कुबल, कार्याध्यक्ष प्रिया चव्हाण, तालुका खजिनदार मनोज चव्हाण, जिल्हा सदस्य प्रवीण चव्हाण, माजी जिल्हाध्यक्ष अनिल अणावकर, माजी सचिव विलास चव्हाण, उपाध्यक्ष नीलेश चव्हाण, कार्याध्यक्षा प्रिया चव्हाण, जिल्हा सदस्य रामदास चव्हाण, कोषाध्यक्ष अभिलाषा शिंदे आदी उपस्थित होते. तालुका सरचिटणीस प्रवीण कुबल यांनी आभार मानले.