२८ (पान २ साठी)

धनगर समाजाचा अनुसूचित जमातीत समावेश करा

रत्नागिरी, ता. ३१ ः धनगर समाजाच्या अनुसूचित जमातीत समावेश करा, अशी शिफारस महाराष्ट्र शासनाने केंद्र शासनाकडे करावी, अशी मागणी ऑल इंडिया धनगर समाज महासंघाचे महाराष्ट्र प्रदेशाध्यक्ष प्रवीण काकडे यांनी केली आहे.
शासनाच्या विविध संशोधन संस्थांनी वेळोवेळी अभ्यास करून धनगर आणि धनगड ही एकच जात असल्याचा अहवाल दिला आहे. तरीसुद्धा महाराष्ट्र शासनाने त्याकडे जाणूनबुजून दुर्लक्ष केले असल्याने धनगर समाजाला न्याय मिळालेला नाही. आगामी विधानसभा, लोकसभा निवडणुकीपूर्वी आरक्षण जाहीर होणे आवश्यक आहे. केंद्रात भाजप सरकारला दहा वर्षे पूर्ण होतील तरी हा प्रश्न सुटलेला नाही. त्यामुळे धनगर समाजामध्ये नाराजी आहे. ऑल इंडिया धनगर समाज महासंघातर्फे राज्यातील तहसील, जिल्हाधिकारी कार्यालयात धनगर एसटी आरक्षणाच्या बाबतीमध्ये निवेदन देण्यात येणार आहे. धनगर समाजामध्ये आरक्षणाच्या बाबतीमध्ये जनजागृती करण्यात येणार आहे, असे प्रवीण काकडे यांनी सांगितले.