22027
आडेली ः केंद्रस्तरीय समितीचे स्वागत करताना सरपंच यशस्वी कोंडसकर व अन्य.

आडेली ग्रामपंचायतीची
केंद्र समितीकडून पाहणी

सकाळ वृत्तसेवा
वेंगुर्ले, ता. ८ ः ‘स्वच्छ सर्वेक्षण ग्रामीण २०२३’ अंतर्गत ओडीएफप्लस २ साठी केंद्रस्तरीय समितीकडून आडेली ग्रामपंचायतीची तपासणी करण्यात आली. वेंगुर्ले तालुक्यातून आडेली या एकमेव ग्रामपंचायतीची निवड झाली आहे.
या अंतर्गत मंदिरे, सार्वजनिक ठिकाणे, घरोघरी शौचालय, शोषखड्डे, प्राथमिक आरोग्य केंद्र, शाळा, अंगणवाडी, प्लास्टिक मुक्ती, घनकचरा व्यवस्थापन, मैला व्यवस्थापन, बायोडिग्रेडबल कचरा, नॉन बायोडिग्रेडेबल कचरा वर्गीकरण, सांडपाणी व्यवस्था व भंडारवाडा महसूल गावातील १५ कुटुंबे आदींची पाहणी करण्यात आली. आडेली सरपंच यशस्वी कोंडसकर यांनी केंद्रीय समिती पदाधिकाऱ्यांचे स्वागत केले. यावेळी केंद्रस्तरीय कमिटीचे प्रमुख कमला यादव, जिल्हास्तरीय स्वच्छ सर्वेक्षण मिशनचे मठकर, किनळेकर, स्वच्छता मिशन पर्यवेक्षक द्रौपदी नाईक, सी.आर.पी. अर्पिता होडावडेकर, उपसरपंच परेश हळणकर, ग्रामविकास अधिकारी अनिल चव्हाण, ग्रामपंचायत सदस्य प्रमोद गवळी, वर्षा आडेलकर, आरोग्यसेवक शेखर कांबळी, महिला बचतगट सदस्य, ग्रामस्थ उपस्थित होते. यावेळी समितीने स्वच्छ सर्वेक्षण अंतर्गत आडेली ग्रामपंचायतीचे काम चांगले असल्याबद्दल समाधान व्यक्त करत ग्रामविकास अधिकारी अनिल चव्हाण यांचे कौतुक केले.