swt135jpg
M23156
कनेडीः समूहगीत स्पर्धेत विजेत्या महाडिक विद्यालयाच्या गटाला मान्यवरांच्या हस्ते गौरविण्यात आले.

तालुकास्तर समूहगीत स्पर्धेत
महाडिक विद्यालयाचे यश
सकाळ वृत्तसेवा
तळेरे, ता. १३ : कनेडी येथे आयोजित केलेल्या तालुकास्तरीय देशभक्तीपर समूहगीत स्पर्धेत येथील वामनराव महाडिक माध्यमिक विद्यालयाने उच्च प्राथमिक गटातून प्रथम व माध्यमिक गटातून द्वितीय क्रमांक मिळवून दुहेरी यश संपादन केले. या यशाबद्दल सर्वत्र अभिनंदन होत आहे.
ही स्पर्धा माध्यमिक विद्यामंदिर कनेडी, मोहनराव मुरारीराव सावंत ज्युनियर कॉलेज आर्ट्स अँड कॉमर्स, तुकाराम शिवराम सावंत ज्युनियर कॉलेज ऑफ सायन्स व बालमंदिर कनेडी यांच्या वतीने आयोजित करण्यात आली. प्रशालेच्या उच्च प्राथमिक गटाने ''सारे जहाँ से अच्छा'' हे गीत सादर करत प्रथम, माध्यमिक गटाने ''जयोस्तुते श्री महन्मंगले'' हे स्फूर्तीगीत सादर करत द्वितीय क्रमांक मिळविला. यात मृण्मयी तळेकर, प्रांजल साटम, पूनम पांचाळ, कस्तुरी सावंत, शमिका ढेकणे, राणी वालरे, अभिजीत राठोड, अनघा तळेकर, अनुष्का चव्हाण, निधी पांचाळ, रक्षा भोगले, शमिका कांबळे, आर्या भोगले, श्रावणी लाड, वेदिका भोगले, चैतन्य पवार आदी विद्यार्थ्यांनी सहभाग घेतला.
आर्या घाडी हिने हार्मोनियम, तक्षील तळेकर याने ढोलक, माजी विद्यार्थी साईश खटावकर याने तबला साथ दिली. संगीत शिक्षक अजित गोसावी यांनी मार्गदर्शन केले. यशस्वी विद्यार्थी व संगीत शिक्षक गोसावी यांचे प्रशालेचे मुख्य कार्यकारी अधिकारी श्रीकृष्ण खटावकर, चेअरमन अरविंद महाडिक, प्रा. अविनाश मांजरेकर, शिक्षक, विद्यार्थी, पालकांनी कौतुक केले.