पाडलोस येथे रविवारी
जिल्हास्तर भजन स्पर्धा
सकाळ वृत्तसेवा
बांदा, ता. १७ः पाडलोस गाव व्हॉट्सअप ग्रुप आयोजित श्री देव रवळनाथ मंदिर, पाडलोस येथे रविवारी (ता. २०) सायंकाळी ५ वाजता ‘राग आमचे भजन तुमचे’ या संकल्पनेवर आधारित जिल्हास्तरीय भजन स्पर्धेचे आयोजन केले आहे. जिल्ह्यात प्रथमच अशी भजन स्पर्धा होत असून परिसरातील सर्व भजनप्रेमींनी उपस्थित राहावे, असे आवाहन ग्रुपचे अध्यक्ष लिंगाजी पाडलोसकर यांनी केले आहे.
स्पर्धेत श्री देवी सातेरी भजन मंडळ-सातुळी (बुवा-अमित परब), श्री गणेश भजन मंड माजगाव (बुवा-कृणाल वारंग), प्राथमिक शिक्षक कलामंच कुडाळ (राजेश गुरव), श्री सनामदेव भजन मंडळ सांगेली (खेमराज सनाम), श्री लिंगेश्वर पावणादेवी भजन मंडळ जानवली (योगेश मेस्त्री), श्री सिद्धेश्वर उदिन्नाथ भजन मंडळ तळवडे (उदय नागडे), श्री दत्त भजन मंडळ वर्दे (नरेंद्र मेस्त्री), श्री लिंगेश्वर पावणादेवी भजन मंडळ असरोंडी (विशाल सावंत), स्वरधारा भजन मंडळ तांबोळी (अमित तांबोळकर), श्री महापुरुष भजन मंडळ कातवण (सुशांत जोईल) या जिल्ह्यातील निवडक दहा भजन संघांचा सहभाग आहे. विजेत्यांना ७००१, ५००१, ३००१ व प्रत्येकी सन्मानचिन्ह, उत्तेजनार्थ प्रथम १५०१, द्वितीय १००१ रुपये व सन्मानचिन्ह व वैयक्तिक बक्षिसे आहेत. अधिक माहितीसाठी खजिनदार राजाराम गावडे यांच्याशी संपर्क साधावा, असे आवाहन सचिव अमेय गावडे यांनी केले आहे.