१२ (टुडे पान ३ साठी, अँकर)

- rat२१p१.jpg-
23M24829
रत्नागिरी ः ईझीऑडिओ हिअरिंग क्लिनिक प्रारंभाप्रसंगी बोलताना अनुजा कुलकर्णी. व्यासपिठावर जिल्हाधिकारी एम. देवेंदर सिंह, पोलिस अधीक्षक धनंजय कुलकर्णी आदी.
--------------

ऑस्ट्रेलियात संधी असतानाही अनुजाचे रत्नागिरीत वास्तव्य

डॉ. श्रीधर ठाकूर ; इन्फिगोमध्ये इझी ऑडिओ हिअरिंग क्लिनिक

रत्नागिरी, ता. २१ ः अनुजा कुलकर्णी हिने इन्फिगो आयकेअर हॉस्पिटलमध्ये इझी ऑडिओ हिअरिंग क्लिनिक सुरू करून ती इन्फिगो परिवाराचा एक भाग म्हणून सेवा देणार आहे. ऑस्ट्रेलियाला जाण्याची संधी असतानाही तिने वडील पोलिस अधीक्षक धनंजय कुलकर्णी यांच्यासोबत रत्नागिरीतच सेवा देण्याचा निर्णय घेतला. ही अभिमानास्पद बाब आहे, असे गौरवोद्गार इन्फिगोचे व्यवस्थापकीय संचालक डॉ. श्रीधर ठाकूर यांनी काढले.
इन्फिगो आयकेअर हॉस्पिटल ईझी ऑडिओ हिअरिंग क्लिनिक यांच्या सहयोगाने ऑडिओलॉजीच्या पहिल्या केंद्राच्या उद्घाटनाप्रसंगी ते बोलत होते. या वेळी जिल्हाधिकारी एम. देवेंदर सिंह, जिल्हा परिषद मुख्य कार्यकारी कीर्तीकुमार पुजार, पोलिस अधीक्षक धनंजय कुलकर्णी, इन्फिगो ग्रुप व्यवस्थापकीय संचालक डॉ. श्रीधर ठाकूर, ईझी ऑडिओ हिअरिंग क्लिनिक ऑडिओलॉजिस्ट अनुजा कुलकर्णी, धनश्री कुलकर्णी, अप्पर पोलिस अधीक्षक जयश्री गायकवाड आदी उपस्थित होते.
या प्रसंगी जिल्हाधिकारी एम. देवेंदर सिंह म्हणाले, या आगळ्या ऑडिओलॉजिस्टसारख्या क्षेत्रात अनुजा काम करतेय तेही ऑस्ट्रेलियाला जाण्याचे तिने रद्द केले आणि स्थानिकांना प्राधान्य दिले आहे. या सेवेचा लाभ सगळ्यांनी घ्यावा. ऐकू न येईपर्यंत थांबू नका. त्या आधी आपल्या सर्व आजारांविषयी नियमित तपासणी करून घेतले पाहिजे. अनुजाने रत्नागिरीत थांबून सेवा देण्याचा निर्णय आणि इन्फिगोने तिला दिलेली साथ फार महत्वाची असते.

शरीराचे सर्व्हिसिंगही महत्वाचे...
या प्रसंगी जिल्हाधिकारी एम. देवेंदर सिंह यांनी गाडी बंद पडू नये सुरळीत चालावी म्हणून जसे आपण गाड्यांची सव्हिसिंग करतो तसे आपल्या शरीराचे वेळच्या वेळी सर्व्हिसिंग करणे गरजेचे असल्याचे मत व्यक्त केले.