फोटो ओळी
-rat२१p२९.jpg ः२३M२४८७८ देवरूख ः जान्हवी जंगम

जंगम कुटुंबीयांसाठी सिद्धेश ब्रीद ठरले देवदूत
कॅन्सरग्रस्त जान्हवीला सहाय्य ; डोळ्यांच्या शस्त्रक्रियेसाठी केली मदत
सकाळ वृत्तसेवा
साडवली, ता. २१ ः संगमेश्वर तालुक्यातील देवरूख बोटकेवाडी येथील राहणाऱ्या जान्हवी जंगम या ११ वर्षाच्या मुलीच्या डोळ्यांना कॅन्सरचा आजार होता. त्यामुळे तिचा एक डोळा निकामी झाला होता. त्या मुलीची शस्त्रक्रिया करण्याइतपत पैसे त्याच्या कुटुंबाकडे नव्हते; मात्र ही बाब तांबेडी गावचे सुपुत्र व उद्योजक सिद्धेश ब्रीद यांना समजताच त्यांनी तत्काळ जान्हवीची शस्त्रक्रिया करून घेण्यासाठी मदतीचा हात पुढे केला. त्यामुळे एका डोळ्याने अंध असणाऱ्या जान्हवीला दुसरा कृत्रिम डोळा बसवण्यात आला आहे.
इतर मुलींप्रमाणे दोन डोळे भरून असावेत, ती सुंदर दिसावी या उद्देशाने जान्हवीच्या आई-वडिलांची इच्छा होती; पण आर्थिक स्थिती चांगली नसल्याने ते हतबल होते. ही बाब समजताच सिद्धेश ब्रीद यांनी मदत केल्यामुळे त्यांच्यासाठी खरच देव म्हणून उभा राहिला.
जान्हवी ही ११ वर्षाची असताना तिला कॅन्सरसारख्या आजार झाला व हा आजार डोळ्यावर जाऊन पोहोचला आणि तिचा एक डोळा निकामी झाला. या आजारामुळे तिला आयुष्यात अंधत्व स्वीकारावं लागलं. तिच्या मदतीसाठी अनेक ठिकाणी आई-वडील मदतीचे प्रयत्न करत होते. ब्रीद त्यांच्या मदतीमुळे जान्हवीचे कोल्हापूर येथे शस्त्रक्रिया करून निकामी डोळा काढून कृत्रिम डोळा बसवण्यात आला आहे.