५२ (पान ३ साठी)

रेल्वेत चोरी करणाऱ्यास अटक

रत्नागिरी, ता. २१ः रेल्वेत प्रवाशांच्या किमती साहित्याची चोरी करणाऱ्या चोरट्याच्या मुसक्या शहर पोलिसांनी आवळल्या. न्यायालयाने त्याला आठ दिवसांची पोलिस कोठडी सुनावली. उमेश उन्हाळे (वय ४१, ऱा अहमदनगर) असे अटक करण्यात आलेल्या संशयिताचे नाव आह़े. हा प्रकार २६ जूनला रेल्वेच्या कोचिवली-पोरबंदर एक्स्प्रेसमध्ये रत्नागिरी रेल्वेस्टेशन दरम्यान घडला.
पोलिसांकडून मिळालेल्या माहितीनुसार कोकण रेल्वे मार्गावरील कोचिवली-पोरबंदर एक्स्प्रेसने प्रवास करणाऱ्या प्रवाशाची पर्स चोरीला गेली होती. या प्रकरणी शहर पोलिसांत गुन्हा दाखल करण्यात आला होता. रत्नागिरी रेल्वेस्टेशन येथे गाडी आली असताना तक्रारदार यांना आपली पर्स जागेवर नसल्याचे दिसून आल़े. त्यांनी शोध घेतला असता रेल्वे डब्यातील कचरा कुंडीत पर्स अढळून आली. मात्र पर्समधील सोन्याचे दागिने व पैसे चोरट्याने चोरून नेल्याचे तक्रारदारांच्या निदर्शनास आले. त्यांनी या प्रकरणी शहर पोलिस ठाण्यात ३२ ग्रॅम सोने व १४ हजार रुपयांची रोकड असा एकूण २ लाख १४ हजार रुपयांचा मुद्देमाल चोरीला गेल्याची फिर्याद दिली. तपास शहर पोलिस ठाण्याचे पोलिस उपनिरीक्षक आकाश साळुंखे करत होते. तपासात संशयित उमेश उन्हाळे याने ही चोरी केल्याचे तपासात पुढे आले. पोलिसांनी त्याला अटक केली.