६७ ग्रामपंचायतींमध्ये इंटरनेट सुविधा
राजापूर, ता. २९ ः पंचायतराज व्यवस्थेतील शेवटचा टप्पा असलेल्या गावविकासाला चालना देणार्‍या ग्रामपंचायतींचा कारभार डिजिटल (ऑनलाईन) करण्यावर शासनाकडून भर दिला गेला आहे. महानेट प्रकल्पाच्या माध्यमातून ऑप्टिकल फायबरद्वारे ग्रामपंचायतींना इंटरनेट सुविधा उभारणी केली जात आहे. त्यानुसार तालुक्यातील १०१ पैकी सुमारे ६७ ग्रामपंचायतींमध्ये फायबर ऑप्टिकल जोडणीचे काम पूर्ण झाले आहे; मात्र, या ग्रामपंचायतींमध्ये ऑप्टिकल फायबर जोडणी होऊनही राऊटरअभावी गेल्या सुमारे दीड-दोन वर्षापासून इंटरनेट सुविधा अ‍ॅक्टिव्ह होण्याची प्रतीक्षा राहिली आहे.