37446
किर्लोस : आरोग्य शिबिरात तपासणी करताना वैद्यकीय अधिकारी.

किर्लोसमध्ये आरोग्य शिबिरास प्रतिसाद

ग्रामपंचायतीचा उपक्रम ः आहार, व्यायामाबाबत मार्गदर्शन

सकाळ वृत्तसेवा
ओरोस, ता. १३ ः डॉ. बाळासाहेब सावंत कोकण कृषी विद्यापीठ दापोली मान्यताप्राप्त छत्रपती शिवाजी कृषी महाविद्यालय किर्लोस-ओरोस येथील ग्रामीण कृषी कार्यानुभव अंतर्गत कृषिदूत व ग्रामपंचायत किर्लोस, प्राथमिक आरोग्य केंद्र हिवाळे यांच्यामार्फत मोफत आरोग्य शिबिराचे आयोजन जिल्हा परिषद प्राथमिक शाळा गावठणवाडी-किर्लोस येथे करण्यात आले.
या शिबिराचे उद्‍घाटन किर्लोसच्या सरपंच साक्षी चव्हाण, ग्रामंचायत सदस्य नूतन घाडीगावकर यांच्या हस्ते करण्यात आले. ग्रामसेवक डी. एन. रावले यांनी आरोग्यविषयक घ्यावयाची काळजी याबद्दल मार्गदर्शन केले. डॉ. ओंकार परब यांनी दैनंदिन आहार व नियमित व्यायाम याबद्दल विचार व्यक्त केले. कार्यक्रमाच्या प्रमुख पाहुण्या डॉ. समिता बिरमोळे यांनी स्त्रीयांचे विविध विकार व त्यावरील उपाय व नियोजन याविषयी माहिती दिली. त्यानंतर रुग्णांनी नावनोंदणी करून आपल्या आजाराचे निदान व उपचार करून घेतले. या शिबिरामध्ये सी.बी.सी. चाचणी, किडनी फंक्शन चाचणी, थायराईड चाचणी, कॉलेस्ट्रॉल चाचणी, शुगर चाचणी, रक्त चाचणी आदी तपासणी करण्यात आली. या कार्यक्रमास किर्लोस उपसरपंच, ग्रामसेवक, ग्रामपंचायत कर्मचारी, आरोग्य विभागाचे अधिकारी व कर्मचारी, शाळेचे शिक्षक, विद्यार्थी व ग्रामस्थ उपस्थित होते. हा कार्यक्रम छत्रपती शिवाजी कृषी महाविद्यालयाचे प्राचार्य प्रा. पेडणेकर, कार्यक्रम समन्वयक प्रा. परुळेकर, प्रा. खरात, प्रा. गायकी, प्रा. कोरगावकर, प्रा. ओगले यांच्या मार्गदर्शनाखाली कृषिदूत मंगेश गुरव, सौरभ रजपूत, यश भुसान्ना, ऋषिकेश पाटील, गौतम के.पी., अंकित भोये, प्रतीक कदम यांनी हा उपक्रम राबविला.