३२ (पान ५ साठी)

-rat१३p१७.jpg-
२३M३७७००
रत्नागिरी ः श्री देवी भगवती
----------

रत्नदुर्गवरील श्रीदेवी भगवतीचा नवरात्र उत्सव
सकाळ वृत्तसेवा
रत्नागिरी, ता. १३ : राज्यभर प्रसिद्ध असलेली रत्नागिरीतील रत्नदुर्ग किल्ल्यावरील निवासिनी श्री देवी भगवतीचा नवरात्रोत्सव येत्या रविवारपासून (ता. १५) सुरू होणार आहे. यानिमित्त विविध कार्यक्रमांचे आयोजन केले आहे. दहा दिवसांत मंदिरात लाखो भाविक दर्शनासाठी येणार आहेत. त्याकरिता देवस्थानतर्फे नियोजन करण्यात आले आहे. उत्सव २४ ऑक्टोबरपर्यंत सुरू राहणार आहे.
रविवारी दुपारी १२ वाजता घटस्थापना होईल. १५ ते २३ ऑक्टोबर या कालावधीत दररोज सायंकाळी ४ ते ७ वाजेपर्यंत भजन आणि कीर्तन कार्यक्रम होतील. २२ ऑक्टोबरला दुपारी १२ ते २ वाजेपर्यंत महाप्रसाद होईल. २३ ला श्री देवी भगवतीचा घट दुपारी १२ वाजता उठेल व रात्रौ १२ वाजता देवीचा गोंधळ आणि तटप्रदक्षिणा (आराबा) होईल. २४ ऑक्टोबरला विजयादशमी (दसरा) असून या दिवशी सायंकाळी ५ वाजता सोने लुटण्याचा कार्यक्रम होणार आहे. उत्सवादरम्यान दररोज पहाटे ५.३० वाजता आणि सायंकाळी ८.३० वाजता नित्यआरती होईल. नवरात्र उत्सवानिमित्त मंदिर सज्ज झाले आहे. या ठिकाणी स्वच्छता अभियानही राबण्यात आले. रत्नदुर्ग किल्ल्यावर उत्सव काळामध्ये दरवर्षीप्रमाणे विविध प्रकारचे पूजा, प्रसाद साहित्य, खेळण्यांचे स्टॉल मांडण्यात येणार आहेत. रत्नदुर्ग किल्ल्यावरील श्री भगवती मंदिरात दर्शनासाठी भाविकांची उत्सव काळात रिघ लागते. उत्सव काळात भाविकांनी दर्शनाचा लाभ घ्यावा, असे आवाहन श्री देवी भगवती मंदिर पब्लिक ट्रस्ट आणि उत्सव कमिटी सदस्यांनी केले आहे.