37774
मडुरा माऊली

मडुरा येथील नवरात्रोत्सवात
उद्यापासून धार्मिक कार्यक्रम

सकाळ वृत्तसेवा
बांदा, ता. १३ ः मडुरा येथील श्री देवी माऊली मंदिरात नवरात्रोत्सवानिमित्त सांस्कृतिक व धार्मिक कार्यक्रमांचे आयोजन करण्यात आले आहे, अशी माहिती समिती अध्यक्ष संजू परब यांनी दिली. रविवारी (ता.१५) पासून कार्यक्रमांना प्रारंभ होईल.
रविवारी (ता.१५) सकाळी घटस्थापना होईल. सायंकाळपासून परबवाडी, रेडकरवाडी, देऊळवाडी व डीगवाडी मंडळांची भजने होतील. १६ ला रात्री ८ वाजता सांस्कृतिक कार्यक्रमांचे उद्‌घाटन होईल. त्यानंतर विशाल सेवा फाऊंडेशनचे अध्यक्ष विशाल परब पुरस्कृत गोवा व सिंधुदुर्गातील नामांकित ग्रुपचा दांडिया (भूमिका आराध्या दांडिया ग्रुप कोरगाव, श्री देव रवळनाथ दांडिया ग्रुप तळर्णा व श्री थळकर दांडिया ग्रुप तळवडे), पावशी कुडाळ येथील सखी फुगडी संघाचा सदाबहार फुगडीचा कार्यक्रम. १७ ला सायंकाळी सातला स्थानिकांचे भजन व नऊला जय हनुमान पारंपरिक दशावतार मंडळाचा नाट्यप्रयोग. १८ ला सायंकाळी भजन व रात्री नऊला चेंदवणकर दशावतार मंडळाचा नाट्यप्रयोग. १९ ला सायंकाळी पाचला देऊळवाडीतील महिलांची फुगडी, ७ वाजता भजन व रात्री ९ वाजता पार्सेकर दशावतार मंडळाचे नाटक. २० ला सायंकाळी भजन, ८ वाजता महिलांसाठी पैठणी कार्यक्रम व ९ वाजता नाईक मोचेमाडकर दशावतार मंडळाचे नाटक. २० ला सायंकाळी ७ वाजता श्री देव समाधी पुरुष प्रासादिक भजन मंडळ मळगाव, ८.३० वाजता श्री देव सावंतवस भजन मंडळ इन्सुली व १० वाजता डीगवाडी ग्रामस्थ भजन मंडळाचा कार्यक्रम. २१ ला रात्री आठला सौ. संजना परब पुरस्कृत महिलांसाठी ‘खेळ पैठणीचा’ कार्यक्रम. विजेत्यास १० हजार रुपये किमतीची पैठणी व उपविजेतीस ५ हजारांची पैठणी देण्यात येईल. साडेदहाला लकी ड्रॉ सोडत व स्पर्धांचा पारितोषिक वितरण कार्यक्रम. दुसऱ्या दिवसापासून रोज दुपारी आरती, तीर्थप्रसाद व महाप्रसाद होईल. भाविकांनी लाभ घ्यावा, असे आवाहन अध्यक्ष परब व सचिव संतोष परब यांनी केले आहे.