37841
राजेश नाईक

कोलगावातील एकाचे
आकस्मिक निधन
सावंतवाडी, ता. १३ ः कोलगाव येथील राजेश गणपत नाईक (वय ४४, रा. कुंभयाळवाडी) यांचे भाड्याच्या खोलीत आकस्मिक निधन झाले. याबाबतची खबर वामन चंद्रकांत गोवेकर यांनी येथील पोलीस ठाण्यात दिली. त्यानुसार येथील पोलीस ठाण्यात आकस्मिक मृत्यूची नोंद करण्यात आली आहे.
याबाबत अधिक माहिती अशी की नाईक हे सावंतवाडी पांजरवाडा येथे भाड्याच्या रूममध्ये राहत होते. आज सकाळी साडेनऊ वाजण्याच्या सुमारास गोवेकर हे त्यांना नाश्ता घेऊन आले होते. यावेळी त्यांनी जोरजोरात हाक मारली असता कोणताही प्रतिसाद मिळाला नाही. त्यामुळे गोवेकर हे त्या ठिकाणाहून आपल्या कामानिमित्त बाहेर गेले. त्यानंतर बराच वेळ त्यांनी कॉल करून पाहिले असता त्याला सुद्धा प्रतिसाद आला नाही. त्यामुळे मित्रमंडळींना घेऊन साडेबारा वाजण्याच्या सुमारास नाईक यांच्या रूमचे दरवाजा फोडला. यावेळी ते बेशुद्ध अवस्थेत दिसले. त्यानंतर त्यांना त्या ठिकाणावर येथील उपजिल्हा रुग्णालयात दाखल करण्यात आले. मात्र, वैद्यकीय अधिकाऱ्यांनी त्यांना मृत घोषित केले. नाईक हे अविवाहित होते. हृदयविकाराच्या झटक्याने त्यांचा मृत्यू झाला असावा, असा अंदाज पोलिसांनी व्यक्त केला. याबाबतचा अधिक तपास पोलीस महेश जाधव करीत आहे.