बिडवाडी विद्यालयामध्ये
आज वाद-विवाद स्पर्धा

सकाळ वृत्तेसवा
कणकवली,ता. ६ ः माध्यमिक विद्यालय व वाणिज्य कनिष्ठ महाविद्यालय बिडवाडी (ता.कणकवली) येथे तालुकास्तरीय आंतर कनिष्ठ वाद-विवाद स्पर्धेचे आयोजन करण्यात आले आहे. उद्या (ता.७) सकाळी साडेनऊला तालुका मर्यादित महाविद्यालयीन गटासाठी आंतर कनिष्ठ महाविद्यालय ही स्पर्धा होणार आहे. यात इयत्ता अकरावी आणि बारावीच्या विद्यार्थ्यांना सहभागी होता येणार आहे.
वक्तृत्व कलेची खरी कसोटी वाद-विवाद स्पर्धेत लागते. हे ओळखून बिडवाडी पंचक्रोशी शिक्षण संस्था मुंबई यांचे मार्फत कणकवली तालुकास्तरीय आंतर कनिष्ठ महाविद्यालयीन वाद-विवाद स्पर्धेचे दरवर्षी आयोजन करण्यात येते. यंदा या स्पर्धेचे दहावे वर्ष आहे.
‘आधुनिक शेती तंत्रज्ञान’, या विषयावर सकारात्मक आणि नकारात्मक अशा दोन्ही बाजूची मते वेगवेगळ्या विद्यार्थ्यांना मांडता येतील. या स्पर्धेत एका कॉलेजच्या एका स्पर्धकाने विषयाच्या अनुकूल बाजूने तर दुसऱ्या स्पर्धकाने विषयाच्या प्रतिकूल बाजूने विषय मांडणी करणे बंधनकारक आहे. या स्पर्धेतील विजेत्यांना अनुक्रमे एक हजार, सातशे पाचशे रूपये आणि प्रत्येकास प्रमाणपत्र तसेच सहभागी स्पर्धकांस प्रवास खर्च म्हणून प्रत्येकी शंभर आणि सहभाग प्रमाणपत्र देण्यात येईल. या वाद-विवाद स्पर्धेसाठी कणकवली तालुक्यातील जास्तीत-जास्त संघांनी सहभागी होण्याचे आवाहन बिडवाडी पंचक्रोशी शिक्षण संस्था मुंबईचे अध्यक्ष मधुकर वाडेकर, प्राचार्य सुमुख जोशी यांनी केले आहे.