Kankavli: रेल्वे मार्गावरील वेर्णा ते माजोर्डा या दरम्यानच्या कामासाठी सोमवारी (ता. ५) तीन तास आणि कांदोळी ते माजोर्डा या दरम्यानच्या कामामुळे मंगळवारी (ता. ६) दोन तासांचा ‘ब्लॉक’ घेण्यात येणार आहे.

त्याचा परिणाम रेल्वे मार्गावरून धावणाऱ्या तीन गाड्यांवर होणार आहे. यात कणकवली स्थानकावर थांबा असणाऱ्या ५ फेब्रुवारीच्या वंदे भारत एक्स्प्रेसचाही समावेश असेल.

५ रोजीची सीएसएमटी-मडगांव वंदे भारत (२२२२९) ही गाडी रत्नागिरी आणि करमळी या दरम्यान एक तास थांबविण्यात येणार असल्याने पुढे विलंबाने धावणार असल्याची माहिती कोकण रेल्वे प्रशासनाने दिली.