चिपळुणात ढगाळ वातावरण
चिपळूण, ता. ३ः मार्च महिन्यात उन्हाळ्याची चाहूल लागते. याच कालावधीत अवकाळी पावसाचीही शक्यत असते. चिपळुणात सध्या पावसाचे सावट आहे. शहरात ढगाळ वातावरण आहे. त्यामुळे उकाडा वाढला आहे. हवामान खात्यानेही पावसाचा अंदाज वर्तवला आहे. त्यामुळे आंबा बागायतदार चिंतेत आहेत. अवकाळी पाऊस झाल्यास त्याचा हापूस आंब्यावर परिणाम होण्याची भिती आहे. तालुक्यातील खाडीपट्यात आंब्याचे पीक चांगले आले आहे. दसपटी भागासह पूर्व भागात अजूनही आंबा म्हणावा तसा तयार झालेला नाही. मागील दोन दिवसापासून तालुक्यात ठिकठिकाणी ढगाळ वातावरण आहे. रत्नागिरी जिल्ह्यात काही भागात पावसाच्या तुरळक ठिकाणी हलक्या सरी पडतील, असेही हवामान विभागाने अंदाज दिला आहे. त्यामुळे शेतकरी धास्तावले आहेत.