rat3p39.jpg-
68865
राजापूरः नगर वाचनालयाच्या पुस्तकघर उपक्रमाचा प्रारंभ करताना डॉ. राजाराम राठोड.
---------
मराठीतील अभिजात साहित्य
वाचले पाहिजेः डॉ. राठोड
राजापूर नगर वाचनालयात भाषा दिन
राजापूर, ता. ३ः संत ज्ञानेश्वरापासून फादर स्टिफन्सपर्यंत बाहेरच्या देशातील माणसानीपण मराठी भाषेचे गुणगाण केलेले आहे. सर्व रत्नांमध्ये जसा हिरा सर्वश्रेष्ठ आहे. तशी सर्व भाषांमध्ये मराठी भाषा ही सर्वश्रेष्ठ आहे. त्यामुळे मराठी भाषेतील अभिजात साहित्य आहे ते उभरत्या पिढीने वाचले पाहिजे, अभ्यासले पाहिजे, असे प्रतिपादन आबासाहेब मराठे महाविद्यालयाचे प्राचार्य डॉ. राजाराम राठोड यांनी येथे केले.
राजापूर नगर वाचनालयात मराठी भाषा गौरव दिन साजरा करण्यात आला. यावेळी डॉ. राठोड बोलत होते. नगर वाचनालयाचे अध्यक्ष देवदत्त वालावलकर यांच्या अध्यक्षतेखाली झालेल्या कार्यक्रमाला वाचनालयाचे कार्यवाह मदन हजेरी, संचालक डॉ. अभय अळवणी, प्रदीप भाटकर आदी उपस्थित होते. याप्रसंगी नगर वाचनालयाच्या ‘पुस्तकघर’ या उपक्रमाचा डॉ. राठोड आणि मान्यवरांच्या हस्ते प्रारंभ करण्यात आला.
डॉ. राठोड म्हणाले, भाषा ही साहित्य, संस्कृती, समाज असा अनुबंध आहे. माणसाचं जे जगणं आहे, मग ते भौतिक स्वरूपाचे असेल. अध्यात्मिक स्वरूपाचे असेल किंवा अलौकिक स्वरूपाचे असेल या सगळ्यांचे प्रतिबिंब त्याच्या बोलण्यात पडत असते. हे बोलणं म्हणजे भाषा आहे. भाषेचे वेगवेगळै पैलू असतात पदर असतात. श्री. वालावलकर यांनी पुस्तकघर आणि नगर वाचनालय वाचन चळवळ वृद्धींगत करण्यासाठी घेत असलेल्या उपक्रमांची माहिती दिली. यानिमित्त नगर वाचनालयाचे सेवानिवृत्त ग्रंथपाल सुहास ओळकर यांचा सेवानिवृत्तीपर सत्कार करण्यात आला.