दोन अल्पवयीन
मुलींचे अपहरण
खेड : तालुक्यात एका महाविद्यालयात शिकणाऱ्या दोन अल्पवयीन मुलींचे अपहरण झाल्याची तक्रार शुक्रवारी (ता.१) रात्री उशिरा येथील पोलिसात दाखल झाली आहे. अनोळखी व्यक्तींनी आमिष दाखवून अपहरण केल्याचे तक्रारीत नमूद केले आहे. या बाबत एका मुलीच्या वडिलांनी येथील पोलिसात तक्रार नोंदवली. या दोघी एका महाविद्यालयात शिकतात. शुक्रवारी बारावीचा पेपर असल्याने महाविद्यालय दहा वाजता सुटणार होते. मात्र साडेबारा झाले तरी त्या घरी न परतल्याने एकमेकींच्या आई-वडिलांनी मोबाईलवर संपर्क साधत विचारणा केली. त्यात त्या दोघीही आल्या नसल्याचे स्पष्ट झाले. त्यानंतर बाजारपेठेसह रेल्वेस्थानक, बसस्थानक, भरणे, खवटी व आजूबाजूच्या परिसरात शोध घेवूनही त्यांचा पत्ता लागला नाही. अखेर रात्री उशिरा दोघींना कुणीतरी फूस लावून अपहरण केल्याबाबतची तक्रार नोंदवली.