अमल सिद्दिकी
जिल्हा क्रिकेट संघात
खेड ः खेड क्रिकेट अॅकॅडमीची खेळाडू व शहरातील एम. आय. बी. गर्ल्स हायस्कूलची विद्यार्थिनी अमल सिद्दिकी हिची १५ वर्षाखालील जिल्हा क्रिकेट संघात निवड झाली आहे. सहावीतील अमल गेल्या दीड वर्षापासून अॅकॅडमीचे कैलास सावंत यांच्या मार्गदर्शनाखाली प्रशिक्षण घेत आहे. आजवर तिने विविध क्रिकेट स्पर्धांमध्ये अष्टपैलू कामगिरी केली आहे. या कामगिरीच्या बळावर तिची जिल्हा क्रिकेट संघात निवड झाली आहे. या निवडीबद्दल जिल्हा क्रिकेट टेनिस असोसिएशनचे अध्यक्ष रहिम सहीबोले व मार्गदर्शक कैलास सावंत, प्रशाला संस्थाध्यक्ष ए. आर. डी. खतीब, मुख्याध्यापक शहाबुद्दीन परकार यांच्या हस्ते तिचा सत्कार करण्यात आला.
------
७७५ बालकांचे
खेडमध्ये लसीकरण
खेडः जिल्हा परिषद आरोग्य विभागाच्या माध्यमातून येथील नगरपालिका दवाखाना कार्यक्षेत्रातील ७ केंद्रांसह मोबाईल व ट्रान्झिट पथकामार्फत १०४० अपेक्षित बालकांपैकी ० ते ५ वर्षाखालील ७५९ तर पाच वर्षावरील १६ बालकांचे लसीकरण करण्यात आले. तालुका वैद्यकीय अधिकारी डॉ. अक्षय पवार, विस्तार अधिकारी नरेश इदाते यांच्या मार्गदर्शनाखाली नगर पालिकेतील लिपिक संतोष जाधव, आरोग्य सहाय्यक नीलेश सकपाळ, आरोग्यसेवक अरूण जाधव, सचिन जाधव, मंगेश राऊत, आरोग्यसेविका व्ही. बी. नाईक, सोनाली कदम, महिमा चोपडे, परिचर लक्ष्मण शिबे आदींनी प्रयत्न केले.
-----