70366
झोळंबे : येथे योग शिबिर घेताना शेखर बांदेकर.

झोळंबेत योग शिबिरास प्रतिसाद
बांदा, ता. १० : पतंजली योग समिती सिंधुदुर्गच्यावतीने आयोजित संयुक्त योगोपचार शिबिराचा सांगता समारंभ झोळंबे येथे झाला. झोळंबे येथे संयुक्त योगोपचार शिबिरामध्ये योगासने, सूक्ष्म व्यायाम, जलद व्यायाम, सूर्यनमस्कार, प्राणायाम असा अभ्यास घेण्यात आला. पाच दिवसांचे हे शिबिर ६ ते १० मार्च या कालावधीत झाले.
शिबिराचा सांगता समारंभ कार्यक्रम योग वर्गात घेण्यात आला. त्यावेळी तंटामुक्ती समितीचे अध्यक्ष सुकाजी गवस यांच्या हस्ते पतंजली योग समिती सिंधुदुर्ग जिल्हा प्रभारी शेखर बांदेकर, युवा भारत सावंतवाडी तहसील प्रभारी मयुरेश गवंडळकर यांना शाल आणि श्रीफळ देऊन गौरविण्यात आले. उपसरपंच विनायक गाडगीळ, आरोग्यसेवक जेरॉन सोच, विठ्ठल गवस, संजना गवस, विनीता गवस, चंद्रलेखा गवस, प्रकाश गवस, आदी उपस्थित होते. शिबिरामध्ये शेखर बांदेकर यांनी सतत पाच दिवस शिबिर घेतल्यामुळे सर्व ग्रामस्थांनी आभार व्यक्त केले. सुमारे ३० साधकांची दररोज उपस्थिती या शिबिरास लाभली. झोळंबे येथे दररोज योगवर्ग नियमितपणे सुरू ठेवू, असे आश्वासन ग्रामस्थांनी दिले.