दोन कुटुंबामध्ये वाद; परस्पर विरोधी गुन्हे

राजापूर, ता. ४ ः तालुक्यातील केळवली निखरे येथे शिमगोत्सवा निमित्त पालखी घरात आल्यानंतर फटाके लावल्यावरून दोन कुटुंबामध्ये वाद झाला. या प्रकरणी परस्पर विरोधी तकारी दाखल करण्यात आल्याची माहिती राजापूर पोलिसांनी दिली. सोमवारी रात्री ही घटना घडली. दोन्ही गटातील आठ जणांविरोधात गुन्हा दाखल करण्यात आला आहे.
या प्रकरणी पोलिसांनी दिलेल्या माहितीनुसार विलास खाडये, विकास खाडये व रघुनाथ खाडये हे सख्खे भाऊ शेजारीशेजारी राहतात. मात्र त्यांच्यामध्ये मागील पाच वर्षांपासून वाद आहेत. सोमवारी (ता.१) सायंकाळी सुमारास विकास यांच्या घरी पालखी आल्याने त्यांनी घराच्या पुढील भागात फटाके वाजवले. यावरून हा प्रकार घडल्याचे पोलिसांनी सांगितले.