जामसंडे मळईत २२ पासून
हनुमान जन्मोत्सव सोहळा
सकाळ वृत्तसेवा
देवगड, ता. १८ ः जामसंडे मळई येथील बाल मंडळ संगीत मेळा यांच्यावतीने मळईवाडी हनुमान मंदिर येथे सोमवारी (ता.२२) व मंगळवारी (ता.२३) असे दोन दिवस श्री हनुमान मंदिर वर्धापन दिन व श्री हनुमान जन्मोत्सव सोहळ्याचे आयोजन केले आहे. यानिमित्त विविध धार्मिक व सांस्कृतिक कार्यक्रमांचे आयोजन करण्यात आले आहे.
कार्यक्रम असे, सोमवार (ता.२२) -सकाळी ७.३० वाजल्यापासून विविध धार्मिक कार्यक्रम, ११ वाजता मळई मर्यादित विविध स्पर्धा होतील. यामध्ये रांगोळी, चित्रकला, कॅरम, बुद्धिबळ, हस्ताक्षर व प्रश्नोत्तर स्पर्धांचा समावेश आहे. सायंकाळी ७ वाजता दीपोत्सव, रात्री ८ वाजता श्री देव मांडकरी प्रासादिक भजन मंडळ, मळई यांचे भजन, रात्री १० वाजता श्री पावणाईदेवी प्रासादिक भजन मंडळ, किंजवडे परबवाडी यांचे दिंडी भजन. मंगळवार (ता.२३) सकाळी ६.१८ वाजता श्री हनुमान जन्मोत्सव सोहळा, आरती, ८ वाजता पालखी प्रदक्षिणा, ११ वाजता श्री सत्यनारायणाची महापूजा, तीर्थप्रसाद, दुपारी १ वाजता महाप्रसाद, सायंकाळी ४ वाजता महिलांसाठी होम-मिनीस्टर स्पर्धा (मळई मर्यादित), रात्री ८ वाजता स्थानिक भजने, रात्री ९.३० वाजता स्पर्धांचे बक्षीस वितरण, १० वाजता स्थानिक कलाकारांची ‘लग्न कल्लोळ’ ही विनोदी एकांकिका, ११ वाजता ब्राम्हणदेव महिला मंडळ, नाद भोळेवाडी यांचे समई नृत्य सादर होणार आहे.