सिंधुदुर्गनगरी, ता. २५ः महायुतीचे उमेदवार नारायण राणे यांच्या प्रचारासाठी उद्या (ता. २६) दुपारी १२ वाजता राजापूरमधून महाराष्ट्राचे उपमुख्यमंत्री देवेंद्र फडणवीस यांची तोफ धडाडणार आहे.

रत्नागिरी-सिंधुदुर्ग लोकसभा मतदारसंघ महायुतीचे उमेदवार नारायण राणे यांच्या प्रचारार्थ उद्या राजापूर येथे राजीव गांधी मैदानावर उपमुख्यमंत्री फडणवीस यांच्या प्रमुख उपस्थितीत जाहीर सभा होणार आहे.

यावेळी महाराष्ट्र राज्याचे कॅबिनेट मंत्री व सिंधुदुर्गचे पालकमंत्री रवींद्र चव्हाण, शालेय शिक्षणमंत्री दीपक केसरकर, उद्योगमंत्री उदय सामंत, आमदार नीतेश राणे, माजी खासदार नीलेश राणे, माजी आमदार शेखर निकम, प्रमोद जठार, बाळ माने यांच्यासह महायुतीचे अनेक मान्यवर नेते उपस्थित राहणार आहेत. महायुतीच्या कार्यकर्त्यांनी प्रचंड संख्येने उपस्थित राहण्याचे आवाहन भाजपा जिल्हाध्यक्ष प्रभाकर सावंत यांनी केले आहे.