३३ (पान ५ साठी)

- rat२८p१६.jpg-
२४M८०३५१
सुहास ठाकुरदेसाई, अभिजि करंबेळकर, गीता भागवत, गौरव महाजनी, योगेश मुळ्ये

‘केबीबीएफ’ संघटनेच्या
अध्यक्षपदी ठाकुरदेसाई

सकाळ वृत्तसेवा
रत्नागिरी, ता. २९ : कऱ्हाडे ब्राह्मण बेनेव्होलंट फाउंडेशन म्हणजेच केबीबीएफ या कऱ्हाडे ब्राह्मण व्यावसायिकांच्या संघटनेच्या अध्यक्षपदी मैत्री ग्रुपचे उद्योजक सुहास ठाकुरदेसाई यांची निवड झाली. सचिवपदी अभिजित करंबेळकर आणि खजिनदार म्हणून गीता भागवत आणि सदस्य म्हणून अॅड. गौरव महाजनी यांची निवड झाल्याबद्दल त्यांचे अभिनंदन करण्यात आले. तसेच केबीबीएफ ग्लोबलच्या उपाध्यक्षपदी योगेश मुळ्ये यांची निवड झाली आहे.
मैत्री ग्रुपचे संचालक सुहास ठाकुरदेसाई हे काही वर्षांपासून हॉटेल, लॉजिंग, पर्यटन, मंगल कार्यालय अशा विविध व्यवसायात आणि विविध सामाजिक कार्यातही हिरीरीने सहभाग घेतात. यापूर्वी त्यांच्या हर्षा हॉलिडेजला पर्यटन संचालनालयाला (उपसंचालक कार्यालय, कोकण विभाग) जागतिक पर्यटन दिनानिमित्त पर्यटन मित्र पुरस्कार देऊन सन्मानित करण्यात आले आहे. गाईड प्रशिक्षण कार्यक्रम, कोकणी खाद्यपदार्थांची स्पर्धा, पर्यटन परिषद, टुर ऑपरेटर व्हिजिट असे अनेकविध उपक्रम राबवले आहेत. हॉटेल असोसिएशन, मंडप डेकोरेटर्स असोसिएशन यातही सक्रिय आहेत. दरम्यान, केबीबीएफ व्यावसायिक संघटनेत रत्नागिरी जिल्ह्यातील कऱ्हाडे ब्राह्मण उद्योजकांनी सदस्य व्हावे, असे आवाहन श्री. ठाकुरदेसाई यांनी केले आहे. नोंदणीची शेवटची तारीख ३० एप्रिल आहे.