माईण येथे अपघातात
महिला जखमी
कणकवली : सचिन राऊळ व त्यांचा मित्र महेश गुरव हे मोटारीने भरणीहून माईणला जात होते. त्यावेळी समोरून भरधाव येणाऱ्या दुचाकीची मोटारीला धडक बसून अपघात झाला. या अपघातात दुचाकीस्वार विद्या आचरेकर या जखमी झाल्या. यात दोन्ही वाहनांचे नुकसान झाले. हा अपघात काल (ता. २८) सकाळी दहा वाजण्याच्या सुमारास माईण-हातणकरवाडी येथे झाला. या अपघातात विद्या या जखमी झाल्या. त्यानंतर त्यांना कणकवलीतील एका खासगी रुग्णालयात दाखल करण्यात आले. याबाबत सचिन सत्यवान राऊळ ( वय ४७, रा. भरणी, तांबळवाडी) यांनी पोलिस ठाण्यात तक्रार दिली आहे.